|
吃馄饨 来自畸笔叟 00:00 03:39 【时间：正午】 【地点：某品牌馄饨店】 “来来来，快点进来，里厢有空调，哦唷，热煞了。 “喏喏，牌子挂勒搿搭呀，侬看，侬好好交看，随便侬要吃点啥，我今朝钞票带了嗨。 “侬讲啥？叫阿拉快点啊？滑稽伐，看牌子有啥好催嗰啦，十分钟廿分钟侬管我啊。 “侬排骨年糕有弗啦？唔没。搿末好唻，否则阿拉老早点好唻。 “啥么事？倷是馄饨店？现在啥人家弗是样样侪卖？ “好了好了，弗搭侬争，搿末就两碗菜肉馄饨，七块头嗰，弗是七块五，也弗是八块头嗰。格爿店里样样啥侪没嗰。 “哎，我问倷，倷一碗馄饨有几只啊？10只啊？10只侬吃得饱否啦？ “我来付我来付，侬去抢位置，啥？里厢老空嗰？哎呀，我叫侬去抢只风凉点嗰位置呀，喏，角落头有电风扇。 （等待时之闲话删去5000字） “哦唷妈哎，总算来了。慢慢慢，小姑娘，倷哪能香菜摆吤少嗰啦？哦唷，香菜也弗舍得摆，葱花也一瓣也唔没，倷迭嗰啥店啊。 “哟，香菜一样加么多加点呀，作孽叭啦。慢慢慢，还有唻，我搭侬讲馄饨要宽汤要宽汤，侬看，吤一点点汤，去，帮我倒碗开水来，快点。 “哎呀，弗要侪倒了我碗里，拨伊也倒一点。好了，我稍微讲慢了一步，乃末侪倒了我碗里了。去去去，再去倒碗出来。 “来来来，倒了伊碗里，啥么？侬覅？戆徒，好嗰，伊拉嗰汤咸，吃了对心脏弗好，倒点，再倒点。 “小姑娘，等歇覅忘记再带两张餐巾纸来哦。” …… 我最近还写过： 塑料铅桶搪瓷痰盂汏脚面盆——侬晓得这些自相矛盾的上海言话吗？ 沪语新山歌《叫侬一声阿六头》——上海言话无头不成言，句句侪有头 |
|
|
