 天气一眼眼热起来了，关心打扮个男性女性，侪希望自家有一个好身材，穿随便啥衣裳侪好看。但是有一眼肉肚皮个朋友，开始担心起来。因为肉肚皮称赘肉、游泳圈，穿衣裳显勿出条杆，邪气勿好看。如果靠少吃饭、用药物等，对健康邪气勿利，还有可能生上毛病。所以讲，健康个身体要靠自身努力和锻炼才能获得。
下头搿眼手法，男性女性侪适合。既能减脱肉肚皮，还能治疗消化系统、神经系统、泌尿系统交关毛病。手法简单，感觉适意，效果阿快。有眼为自家肉肚皮烦恼个朋友，可以行动起来了。趁现天气还呒没快速转热，减脱肉肚皮，迎接穿好看衣裳个季节到来。 下头图示搿眼手法，每个手法为1至2分钟，几个手法加起来阿勿会超过20分钟。通过搿手法按摩，增加肠道个蠕动，促进更快消化，脂肪阿勿容易堆积。          有空一天多做几趟阿无妨，辣辣吃饭前后一个钟头辰光段勿要进行，每趟按摩好请喝一杯白开水，有利于排毒。 |
|
|
