東龍島 又名東龍洲，古稱「南堂」，位於佛堂門以南，小西灣東面嘅島嶼。島上設有東龍島砲台特別地區，著名景點有東龍島石刻、砲台遺址及「潛龍吐珠」等等。東龍島亦係漁護署指定嘅露營地點之一，適合露營、攀崖、觀星同放風箏等嘅活動。 東龍島石刻  係本地最早有文獻記載嘅石刻。王崇熙喺1819年編制嘅《新安縣志》有「石壁畫龍，在佛堂門，有龍形刻於石側」嘅記載。石刻高大概1.8米，長大概2.4米，同時都係全港最大的石刻。而石刻喺1979年列為古蹟。 如果要參觀東龍島石刻的話要行480多級梯級落岸邊，不過可以一睹古蹟文物的話，幾多級都值啦！ 睇完石刻，打完卡又感受完岸邊嘅風浪之後上番山行，沿著山徑一直行都可以睇到一望無際嘅大海，直到最南岸嘅鹿頸灣。  鹿頸灣 行呢路段都係石屎路，輕鬆易行，可以好放鬆咁感受海風，靜靜地咁聽海浪聲，清洗心靈，拋開煩惱！去到鹿頸灣左邊有小山路可以去到白崖。  跟著行去南堂頂嘅山路較為崎嶇難行，但當去到山頂嘅時候，所付出嘅都係非常值得！ 南堂頂因為企喺山頂可以睇到成個東龍島北部，甚至可以眺望佛堂門海峽一直伸展到太平洋，簡直係一覽無遺！繼續行就見到當年嘅民航導航站同直升機坪，啱哂打卡影相。  影完𡃁相，下一站肚臍洞！喺導航站繼續行留意右邊有一條向海的嘅狹窄小徑（可能會被密草遮住）。路段尚算明顯，但去嘅人唔多，兩邊植披好茂密，當中有唔少絆腳，亦都有蜘蛛網需要俯身通穿過。行落去都有D吃力，大概要 40 分鐘，行到尾段有個略為平坦開揚嘅位置時向右邊再行落去，借助旁邊嘅樹幹輔助。見到岩石陣後就代表終於嚟到隱藏喺東龍洲海岸嘅景點 – 肚臍洞。 肚臍洞 這海蝕洞是香港最大的吹穴，遠睇似地陷，行到中間，感受到龐大嘅體積，能看到不同的形狀，而洞內兩邊塌下嘅碎石被浪花打磨到光滑。加上呢度風涼水冷，係個可以休息一下嘅好地方。休息過後原路折返，上返主山徑後向住崖下秘洞出發！ 崖下秘洞噴水岩（潛龍吐珠） 又稱為潛龍吐珠，因為每當海浪撞擊岩石時，就會激起浪花，最高可以有大概3米高嘅水柱湧現，幸運嘅話，仲會睇到彩紅！不過沒做好濕身準備嘅話，都係遠觀更為適合。營地旁邊有條山徑攀落岸邊去。岸邊岩石會鬆散，亦比較濕滑，具一定危險性，如果係新手的話，建議搵番一兩個資深嘅山友一齊去，安全第一！ 東龍洲炮台位於東龍洲東北面，俯瞰佛堂門海峽。據《新安縣志》記載，東龍洲炮台係為咗防禦海盜而喺康熙年間(1662至1722)興建。但亦有資料記載，炮台係為兩廣總督楊琳喺任內(1719至1724年)下令建造。但最後喺1810年被九龍炮台取代。 炮台修繕工程喺1979至1982年期間進行。喺1980年列為古蹟。當進行修繕工程時，古物古蹟辦事處喺義工協助下，喺炮台內部進行有系統嘅考古發掘工作，出土器物數量甚豐。 佛堂門燈塔接下來就可以向海出發，睇下東龍島天崖海角的嘅景色，配上有百年歷史嘅白色燈塔，簡直好似去咗旅行咁呀！加上燈塔同岸有小橋連接住，風浪比較少嘅時候，可以行落去近距離看海打卡。 假日士多行咗成日，當然要去食番D好野啦！假日士多早喺70年代開業，主打手工水餃同招牌餐蛋公仔麵、餐肉紅腸公仔麵。餐蛋麵用料簡單，勝在夠足料，行山後吃番碗公仔麵就最正。如果想解渴嘅話，假日士多還有解暑的嘅紅豆冰、綠豆冰。 東龍島行山之旅最後一站就係雞乸石。 雞乸石是被蜂巢窩式風化嘅礫岩巨石，同時又叫做牙鷹石、蟾蜍石，因為從喺唔同方向望大石都會睇到唔同形狀，又似母雞頭，又似蟾蜍，先至衍生出多個稱號，企喺度仲可以睇到東龍島最高點嘅南堂頂，為今次東龍島之旅畫上完美嘅句號！ 街渡西灣河碼頭出發 (來往南堂碼頭及北碼頭)於西灣河港鐵站步行約15分鐘至嘉亨灣旁的碼頭，轉乘前往東龍島的街渡，船程約45分鐘。詳情﹕梁記街渡 三家村公眾碼頭出發 (來往南堂碼頭)於油塘港鐵站步行約20分鐘至三家村碼頭，轉乘前往東龍島的街渡，船程約30分鐘。詳情﹕木製小輪「珊瑚海」 溫馨提示前往爆林的話，請準備手套 / 手袖 / 風巾等。有好多巨大嘅岩石，喺洞內走動都需要小心腳步。天氣不好或潮濕日子洞內或會非常濕滑。另外，絕大部分路段都無遮蔽，好天氣時注意暴曬。如果只係打算輕鬆一下嘅話，建議只行上角頂，北燈塔等景點；體力好的話先好環島走一圈。 東龍島其他樂趣除咗上島行山郊遊，碼頭仲有特別提供遊船河同船上釣魚服務，逢星期六、日的嘅 12:00 同 12:45 都有釣魚航班，比遊人多一款選擇，不過兩者都不包上岸。 |
|
|
